Meri Saari Zindagi Ko

Meri Saari Zindagi Ko Besamar Is Ne Kiya;
Umar Meri Thi Magar, Isko Basar Is Ne Kiya;

Main Bahut Kamzor Tha Is Mulq Mein Hijrat Ke Baad;
Par Mujhe Is Mulq Mein Kamzor'tar Is Ne Kiya;

Rehbar Mera Bana Gumraah Karne Ke Liye;
Mujhko Seedhey Raaste Se Darbadar Is Ne Kiya;




Shehar Mein Woh Moatbir Meri Gawahi Se Huwa;
Phir Mujhe Is Shehar Mein Na'moatbir Is Ne Kiya;

Shehar Ko Barbaad Kar Ke Rakh Diya Is Ne 'Munir';
Shehar Per Yeh Zulm Mere Naam Per Is Ne Kiya!